الزواج ، أو بما يسمى العرس عندنا ، كان تجي تشوف توا تلقاه حاجة مقدسة في مجتمعنا ، تلقى العيلة تقري في صغيرها بش ينجح ويولي عندو خدمة معتبرة ، وأكثرية لازم تكون مسمار في حيط ، المهم كل هذا باش ينجم يعرس او يكون مرتاح هو ومرتو ، و يبني عيلة زبورة ، راجل يروح للدار يلقى مرتو طيبتلو العشاء ، وولادو يدوروا بيه ويتفرج في طرح كرة ، وأهوكا تستمر الحياة ، مبعد ملشخص يعرس سوى ذكر أو أنثى بش يصير تغيير في حياتهم الزوز ، هي معادش بش تخرج مع أصدقائها خاصةً من فئة الذكور وهو زادة معادش بش يخرج مع أصدقاء متاعوا و خاصةً من فئة الاناث ، أولا خاطر مايجيش يصير هاكا خاطر مجتمع باش يبدا يحكي وينيك ، وثانيا خاطر مافماش ثقة مابين المرأة والراجل إلي معرسين ،يعني هذا أبسط حاجة تنجم تصير ، ناهيك على فقدان الرغبة فالحياة حتى لو كان يحبو بعضهم ، خاطر بش يتأثر بوجود الصغار و العيلات امتعهم ، بش تولي علاقتهم مربوطة كن بالعشرة و الصغار و أهم حاجة الورقة ، أي الورقة إمتاع القران ،ههه أو إلي نسميه أنا الكونترا ، الكونترا هو العرس والعرس هو كونترا ، العرس مش معناها نحبو بعضنا ، العرس مش معناه حياة زبورة و أخيراً أنا لحبيبي وحبيبتي لي ، العرس يخليك تفقد الأمل والحب والحياة ، العرس يخليك تعيش الروتين ، تعيش العذاب ، العرس بالمعنى السائد متاعوا في هذا المجتمع هو حاجة منيكة علخير ، خاطر برسمي يعبر على الروتين و المادة وتلخيص الحب في كونترا صغار و دار وقبر ، العرس هو وسيلة بش تعمل نيكة ، تفرهدو على رواحكم وميكلمكم حد وميحكي معكم حد ، العرس هو زادة وسيلة بش تثبت انك راجل ، توgف وتجيب صغار ، العرس وسيلة بش متكونش عانس وزيد بش تثبت انك ماكش قحبة في عيون مجتمع إمتاعك ، العرس برسمي هو مهزلة برسمي خاطر مهوش قايم على حاجة صحيحة ، يعني العرس هو مادة بالأساس ، العرس هو مجرد تجارة بروح الحياة إمتاعك ، مجرد صورة روتنية للسعادة في مجتمع يؤمن إنوا العرس هو كل شي ، ديجا ملي يولد الانسان في تونس الهدف متعوا كونترا ، مانيش نقولك متعرس وإلى ندعو فيك تعيش في علاقة خارج إطار الزواج وندعو فيكم للإنحلال و إلخ من الخور الخرائي في مخاخ الناس ، أنا ندعوك خمم برسمي إنو كل شيء يسقط قدام الحب الحقيقي ، الحب إلي مهوش مبني على امال المجتمع ، الحب إل مهوش مبني على الماديات ، الحب إلي مهوش مبني على عشرة وصغار ، الحب إلي مهوش مبني على كونترا إمتاع عرس ....

ارسلان عزوز